محدش يحكي معي !!! انا صايم
محدش يحكي معي ....!!! انا صايم
كتير منسمع هالكلمة برمضان وكأنه فش حد غيرو صايم الاخ
او بحمل حالو جميله انو هو صايم
ما تقول صايم النا هو
ونسي قول الرسول صلى الله عليه وسلم بالحديث القدسي
"كل عمل ابن ادم له الا الصوم فانه لي وانا اجزي به"
واذا عصب ولا شوب ولا جاع بقولك اتركوني انا صايم
قلعطنا الزمة بصيامو
واذا شفتلك واحد بكون طول وعرض وعضلات وجثة بتلاقيه مفطر
بتقولو ليش مفطر حرام
بقولك بقدرش اصوم او ما بتحمل اجوع او اضل بلا دخان اما اشي تاني بقدر
وكمان صارت الشغلة فصحنة
ما شاء الله عليها كلهم بحاولو يقلدو المسيحيه وما بتعرف المسيحي من المسلم
بس الغريب بالامر انو لما تشوف حد مفطر بالشارع بطلع مسلم لانو المسيحي بحترم فريضة الصوم
وما بباكل بالشارع وبحترم الصايمين
حتى صار هاد الشهر للتجاره بالمواد الفاسده
صدقوني بطلت استرجي اشتري اشي
من يومين اشتريت تمر هندي شميت ريحتو كانت غير شكل
تاني يوم نزلت اشوف وين بكون ابلغ عنو الصحه بس ما كان واقف
لا حول ولا قوة الا بالله
شو اللي بسير يا عالم
كيف بدنا رب العالمين يرحمنا واحنا ما بنرحم بعض وما بنرحم حالنا
اللهم لا حول ولا قوة الا بالله
ورمضان كريم
خاص بقسم الحوار والنقاش الجاد
