بسم الله الرحــمن الرحيم
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
أمس ربا تمشي بغنج بوسط ساحة المدرسه وتهجم ع الكل بدون سبب .. واليوم منزله راسها وعايشة حالة صمت .. شسالفه ..!
قدام الــكـل سأله عمر بسخريه : خالد بعزى زوج أختك وشفيك تشاهق كذا ..؟ توقعتك رجاااال ..!
سلمى وحنا جالسين نسولف فزت وضربت أمها كف ...؟
كم مره ننصح شاهد لاتسوي كذا .. ترا ربي يبلاك بعايلتك .. وهذا هو طايح ورا الباب ..!
عبير دوم تمر صديقتها بيتهم .. وبيوم مارجعت .. !!
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
مواقف حصلت بهذه الدنيا الغريبه ..
غ ـــريبه ليش أنا أبكي ..؟
قامت من سريرها ماده البوز وماتبي تكلم أحد .. ليش ..؟ لأن ماله خلق ..
ناظرت لساعتها بعد ماخلصت من المكياج والتسريحه والأكسسوار والنعال والشنطه .. ولبست العباية المخصره وطلعت رايحه .. تدرس ..!؟ الأ بأخوها وأقف قدامها يناظرها بشر ..
نموذج أشوفه بالمدرسه كثير .. ولا عمري حبيته .. لأن ذولا الأشكال مو جاية لدراسه أبد ..
بقول قصة ربا .. انا والله ما أعرفها بس وحده تعرفها .. تقول دايم استنفر من وجودها ومشاحناتها مع البنات الضعيفات .. كانت تتملك الكل .. وتنادي يافلانه جيبي لي ماي وتقوم ذيك الضعيفه بألم تجيب طلبها .. وكذا ..
مر شهرين راحه لضعيفات ولعيونا اللي تراقبها كانت فيهم غايبه .. وبعدها جتنا بوجه خالي من أي شي وشعر ممسوك بطريقه [الذيل] ووجهها غريب يحيطها هاله عجيبه .. بوقت الفسحه او الاستراحه .. سمعنا صوتها العذب بوسط مصلى المدرسه تبكي وهي تقرا القران .. واستعجبنا .. هذي تبكي ..؟ كان ودنا نتشمت فيها بس بكاها سكتنا حاولنا نخفف عنها ونهديها وطلعت سالفتها أخوها أغتصبها وأخوها الثاني ذبحه وذبح نفسه ..
/ أنا أبكي .. أنا أبكي .. وليش ما أبكي .. وهذولا ركضوا ورا متاع الدنيا .. وليتهم استفادوا شي ..
وش توجهون رساله لربا ..؟
جاني ولد خالي بـ أول متوسط زعلان سألته وشفيه ..؟؟ رد واحد من المعلمين يضحك على صديقي خالد لانه بكى بوفاة زوج أخته .. وعلم كــل المدرسه وتمصخر عليه ..
/ بالله يالمعلم وش تبيني أقولكـ ..؟ وش تردون ع هالمقوله وبصراحه ..!
وحده تقولي .. كنا نسولف بحماس ووناسه .. وحنا مجتمعين يالبنات .. والكل يقول بطولاته أنا دخلت بسه بغرفة أخوي .. أنا ضربت ولد الجيران .. أنا طلعت مع صديقتي بدون لحد يدري .. أنا وأنا .. وأذا بسلمى تقوم من قدامنا مسرعه لأمها وتضربها كف .. وتصرخ بفخر وأنا ضربت أمي قدام الكل كف .. صمت الكل وقامت الأم للحمامات ..
/ قال تعالى [ولا تقل لهما أفٍ ] .. اوف ماتقولها لأبويك فكيف بضربها بتفاخر قدام الكل .. وش بيكون موقفك لما تشوف هالشي قدامك ..؟
يقول .... زرت أخو صديقي بالعناية .. وتألمت .. كنا دوم نقوله لاتغازل لاتسوي كذا ترا بترجع لخواتك .. ويرد خواتي مربيات .. وهذا هو طريح بالعناية بسبب انه شاف وحده من أهله مع صديق له ..
/ جاك عقابك ياشاهد
وحده من جيرانا تتكلم عن قصة بنت قديمه .. تقول عبير كانت دايم الدوم عند صديقتها ليلها نهارها الأهل واثقين ببعضهم حتى أيام تنام عبير عندهم وأهلها يسافرون مخلينها .. ومرة راحت عبير ولا رجعت .. ولما أسألوا عنها .. قالوا أهل الصديقة ماتت ..! كيف وشلون وش السبب ..؟
وردوا أهل الصديقة أغرت ولدنا وذبحناها ..؟
/ استعجبت هالقصه كثير .. وبكل سهوله قالوها ذبحناها .. واللي يقهر ان أهلها لارفعو قضية ولا شي تركوها وهم مصدقين كل حرف يقولونه ..! هذا شرف ..! بالله وش تقولون بهالحظه ..؟
قصص استغربتها واستغربت بكاي عليها .. وحبيت تشاركوني فيها ..؟
ترآآآآآآها قصص من الواقع ..
خاص بقسم الحوار والنقاش الجاد
