خطبة البنات للشباب ( خيال )

فشيله والله




تخيــــــــــــلوا يالشباب البنات يخطبونكم!!؟

عاد من ناحيتكم يوووووه العن ام الفله

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي ياربيييي)

و سرحان في فارسة احلامك على السرير الابيض..
الا و امك داخلة عليك و توها جاية من الاستراحة و تقولك: يا وليدي ودي اكلمك في موضوع. .
ترد انت بكل خوف : خير يمه؟ ....
تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك
ثم تنزل انت راسك في الارض و تلعب باصبعك في شعرك (او شنبك) و ترد و انت مستحي و خدودك حمرة (هذا اذا كنت محلق اللحية) و تقول: ....
الراي رايك والشور شورك يايمه..
تقول امك: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
تقول انت : بس يا يمه هي ما شافتني من اول. انا دايما متلطم بشماغي
تقول امك: هي شافتك و انت نازل من باص المدرسة <<انواع البراءه.

بس ..و سألت عنك و قالو لها ولد وش حليله ماهوب راعي سوق و كوفي شوب و ما يطلع الا مع ابوه.
و تراها هي و امها جايين يوم الخميس علشان يشوفونك..
تسال انت: طيب يا يمه ابوي وش رايه؟
تقول امك: ابوك ما يدري خليه حايس في المطبخ الله يعينه..
تقول انت :اللي تشوفينه يمه. .وتطلع امك من الغرفة
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع

و تقول : اه اخيرا حسَت و خطبتني.
و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تطلع زي قمر اربع طعش

وتجي البيت و تلبس الثوب اللي فصلته عند المصمم( عبده الخرنق) لثياب الاعراس و الحفلات واللي فيه فتحة من عند الساق و فتحه في الظهر و ذاك المكياج وذاك العطر اللي يشق الخشم و تنزل للصالة
ويقولك ابوك : يالله دخل العصير على خطيبتك ترى امك ذبحتنا تسال عنك
تقول انت بكل خجل: واي واي يا يبه انا استحي امبي ابي امي ابي جدتي

ابوك يقولك وهو يطق على كتفك و يضحك يا ولد روح لعروسك
تقول انت: يا يبه دايما تحرجني انت يوووه منك ياربييييه
و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم <<يمديكم على الدلع
ترد هي بعد ما وقفت و عليكم السلام ( و هي تناظر فيك و قعدت خلاااااااص) ...
و تقولها تفضلي....
تقول هي: وش الاحلى العصير الاحمر و لا الاصفر؟ << يقالها تبي تلطف الجو معك
تقول انت: كله حلو
تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه
الا اخوانك يحترونك و يقولون: ها وشلون شكلها

تقول انت: يووه تهبل تهبل حلوة و دمها خفيف و ذوق
الا ابوك من المطبخ يزغرط
لللللللوووولللللوووووشششش شششش يا ولدي

الا بدخلة اختك العربجية من بره و حاطه عبايتها على كتفها و تقول : خير وش فيه !!
يقوله ابوك : قصري صوتك في وحده داخله خطبت اخوك ..
تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...

الا بدخلة امك و تسطر اختك كف و تطلع اختك بالسيارة و تفحط و تروح لاستراحة البنات <........تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون
و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران والطق وفااالينها <<خخخخخخخخخخخخخخخخخخخ

رجال و طبعا مافيه ندى او صيته او العنود وسارة او نوره
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع انت الطرحة (طرحة البسام بصمةخمسه) و تقولك: الله صاير مثل القمر

ثم تلف وجهك وانت مستحي
و يتم الزواج و بعد تسعة شهور الا



وتتهاوشون و تنام و دمعتك على شنبك

وفي يوم يزيد حدة الخلاف و تاخذ شماغك و عيالك و تروح لبيت اهلك

و تصلح امك ما بينكم و ترجع الحياة مثل اول .


(( والله مايليق عليكم يابنات))
ههههههه
ههههههه